Página 3

Hamabi Iturriko erreskatea

0
Hamabi Iturriko erreskatea. Irudia: SOS Deiak.

Joan den larunbatean, urriak 8, Zestoako gure kide batek bloke baten erorketa sufritu zuen, Hamabi Iturri kobazuloa esploratzen ari zela. Kasualitatez, EEL-ek abisua jaso zuenean gutako gehienak Ormazarreta I leizean konzentratuak ginen (Aralar), Simulakro Orokorra egiteko. Bertan FUE-ko jendea eta profesionalak bilduta zeudenez, 15 laguneko taldea destakatu genuen (koordinatzailea, medikua eta logistika barne) eta gau osoan zehar lana egin eta gero igandean 8:08an gure lagunak egunaren argia ikusi zuen. Zorionak denoi!

Informazio gehigarriak, txostenak etabarrak foroko hari honetan bilduko ditugu.

Mario Bregaña

0
Argazkiak: IPV / ADES.

Duela aste batzu zendu da Mario Bregaña Garcia, 1950 hamarkadan Nafarroako esplorazioetan aritutako kidea. Donostian 1932an jaioa, bere ibilbide espeleologikoa Gipuzkoan hasi zuen 1949 inguruan, Aitzbitarte, Zumaia, Mendaro inguruko kobazuloetako ibilaldiak eskaladarekin tartekatuz. Madrilera joan zen gero, ikastera, eta han ere bere espeleo-kurrikulumari itu xelebre bi ezarri zizkion: batetik Zaragozako gazte talde bati espeleo teknikak inkognitoan erakutsi zizkien (gazteak Falangekoak ziren, eta Mario abertzalea); eta bestetik, Adolfo Erasori sudurra hautsi zion (Mario boxeolaria zen, eta Fito beti etortzen zitzaion boxeoan erakusteko eskatzera). Euskal Herrira bueltan, bere familia –jatorri nafarrekoa- Zuriainen kokatu zen eta beraz 1952tik aurrera IPV-eko kideekin aritu zen. 1955 urtea garrantzitsua izan zen Bregañarendako: batetik, Ormazarretako esplorazio luzean, azkenean hondoko sifoia jo zuen taldean zegoen; bestetik, Larrako kanpainan Mariok berak “H leize” famatua aurkitu zuen, hara jeisteko lanetan ere partehartuz. 1956ko I Euskal Espeleologia Jardunaldi historikoetan hizlarien artean aurkitzen zen, esplorazio materialari buruz jarduten. IPV-k antolatutako 1960ko V Jardunaldietan ere izan zen, jakina, Larran ospatu zirenak; antolakuntzan eta logistikan aritzeaz gain, bera Contienda de Arlaseko kanpalekuaren arduraduna izan zen, Etxaleku leizea esploratu zuena alegia. Bere ibilbidetik nabarmendu ditugun puntu hauetaz gain, espeleourpekari bezela ere aritu zen (Basakaitz), baita Urbasako hainbat esplorazioetan ere. Duela 3 urte berarekin izan ginenean, Karaitzaren alea eman genion eta esploratzaile sena piztu zitzaion berriz: “Ai, zuekin joan ahal izango banintz!”. Bada, seguru gaude berarendako omenaldi onena albiste hau dela: Ormazarreta eta H leizearen esplorazioak berrabiatu direla. Katea ez da eten!

24 y 25.09.2016 Curso Reciclaje Espeleosocorro – Baltzola

0
Este fin de semana hemos acudido a la segunda convocatoria –de éste año- del curso de Reciclaje Técnico de espeleosocorrro, realizada por el EEL.
Como en el mes de junio, el escenario elegido ha sido el de la cueva de Baltzola, y apoyados logísticamente en el albergue de Lapurreketa.
Nos hemos dado cita 17 espeleólogos. Durante los dos días hemos trabajado repasando las maniobras, y conceptos de la técnica de transporte de camilla, fundamentalmente con cuerda.
El buen tiempo ha acompañado facilitando tanto el acceso y retirada como la permanencia en el gran portalón de la cueva de Baltzola.
Estamos satisfechos de haber participado en ésta nueva acción formativa del EEL como monitores y como cursillistas. Buen ambiente y ganas de enseñar y de aprender y repasar no faltaron.
El simulacro general del EEL se celebra el 8 y 9 de octubre, o sea apenas un par de semanas. Buena ocasión para poner en práctica lo aprendido.

Hitzaldia ALKERDI Conferencia (Urdazubi/Urdax)

0

El próximo 1 de octubre sábado se celebra en la casa de cultura de Urdazubi-Urdax la primera conferencia de caracter público sobre los trabajos y hallazgos efectuados en el sistema kárstico de Zelaieta-ikaburua. En esta conferencia participa el Grupo de Espeleología Satorrak pieza fundamental en todo el trabajo realizado en la citada área kárstica durante los meses de marzo a junio de 2016.  más información.

EEL Komunikazio Taldearen entsegua (Amoroto/Berriatua)

1
Lamiñen Sisteman (Amoroto), 2016ko irailaren 26a. Euskal Espeleo Laguntza erakundearen Komunikazio Taldearen entsegua.

160925: EEL-eko Komunikazio Taldearen praktika, Lamiñetako Sisteman (Berriatua). Partehartzaileak: Unax, Israel, Joxe (Takomano), Jon (Sakon), Txabilo (GEMA),  Idoia, Antua, Oier (ADES), Alberto Alonso.

Goizean, akatsetatik ikasten jardun dugu. Ondorio nabarmenena: ekipoak behin eta barriro hondatzearen arrazoia ez da teknikoa, erabiltzen ez dakigula baino; nagusiki, ekipoak antenak konektatu aurretik isiotzen ditugu, eta honek transmisorea erretzen du. Hau ekiditeko sokorristei instrukzio sinple batzu emon beharra dago (ahozko azalpenak, erabilpen orriak…). Bestalde, badira hain larriak ez diren faktoreak, baina komunikazioaren kalitateari asko eragiten dietena: ekipo inalanbrikoak kokatu aurretik, ez dugu behar den beste estudiatzen kobaren topografia; ezta lurrazaleko eta lurrazpiko antenen norabidea ere.

Mereludiko poljea eta Lamiñak/Armiña Sistemaren kokapena
Mereludiko poljea eta Lamiñak/Armiña Sistemaren kokapena

Praktika egiterako orduan, 3 taldetan banatu gara: 1.goa haitzulo barruan kokatu da, N aldeko azken galeria fosil zabalean (80-260ºtako norabidea duena); 2.garrena Elizburu baserri ondoko bidearen kunetan kokatu da, norabide bera duen zati batean; 3.garren taldea, berriz, Elizburuko afluenteko hobiaren ondoko zelaiean, norabide bera hartuta. Lurpeko eta lurrazaleko taldeen artean 400-500 m lineal kalkulatu ditugu (distantzia horizontal eta sakoneraren arteko hipotenusa). Barruan Nicola eta Tedra ekipo bana hedatu ditugu; eta kanpoan, beste bana gehi estazio errepikatzailea (seinalea walkie talkie bidez hedatzen duena). Bagenituen “loritoa” (walki talkien seinalea oztopo orografikoen gainetik hedatzeko) eta antena gehigarriak ere, baina hauen erabilpen erraztasunarengatik ez ditugu instalatu.

Antenen kokapena ortofotoaren gainean
Antenen kokapena ortofotoaren gainean

Frogen emaitza bikaina izan da: Nicola-Nicola eta Tedra-Tedra komunikazioen bitartez, Elizburuko zelaietako estaziokoek argi eta garbi hitz egin dute lurpean zeudenekin. Errepikagailua ezarri dugunean ere, walkie-talkie bidez berbetan jarraitu dugu, arazorik gabe eta kalitate handiarekin. Honek konfirmatzen digu, baldintza erraz batzu betetzen baditugu, komunikatzeko gailu hauek praktikoak eta fidagarriak direla. Ormazarretako Simulakro Orokorrean berriro saiatuko dugu, sokorrista guztiek erabili ahal izan dezaten!

Egun honetako argazki eta bideo guztiak hemen.

Nestor Goikoetxea Gandiaga

0
Argazkian, Otsabidepagozabalaganekoaxpea 1968an esploratu zuen puntako taldea: ezkerretik eskuinera Juanjo Agirre, Nestor Goikoetxea, Jesus Luis Pascual eta Luis Colorado. Astebeteko lurpeko egonaldian, 6200 metro topografiatu zituzten eta orduko koba luzeena bihurtu zen Bizkaian.

Aste honetan zendu da Nestor Goikoetxea Gandiaga, Bizkaiko GEV-eko partaide izandakoa. 1963an sartu zen taldean, 18 urterekin, eta hamarkada horretan aktibitate espeleologiko handia egin zuen, Bizkaia osoan zehar esplorazioak eginaz (1964-1969 artean GEV-eko burua izan zen), hainbat aztarnategi arkeologiko aurkituz, eta dibulgazio artikulu asko argitaratuz. Agian aurkikuntza nabarmenena Otsabidepagozabalaganekoaxpea dugu, Itxinan 1967ko VI Euskal Herriko Espeleologia Jardunaldietan aurkitutakoa, eta 1968an Nestorrek berak esploratu zuena taldeko beste kideekin batera. 60. hamarkada amaierarekin batera ikasketak amaitu eta lanean hastea etorri zen, esplorazio aktibitatea jaitsiz eta GEV-eko ardura taldekide gazteagoei pasatuz; halere espeleologiari lotua jarraitu zuen: 1969ko Stuttgarteko Nazioarteko Kongresuan Itxinari buruzko bi komunikazio aurkeztu zituen; eta urte berean sortu zuten Kobie aldizkaria, Nestorrek hainbat urtetan zuzendu zuena. Jakin badakigu Euskal Espeleologoen Elkarteko aktibitateen jarraitzailea zela, eta beraz geratu bedi hemen ere bere oroigarri hau.

Sagardia Goñi familiaren erailketa, argitara

0
Legarreako leizea. Argazkia: SC Aranzadi

Satorrak eta Aranzadi taldeak egiten ari diren elkarlan espeleologikoa ezinbestekoa izaten dihardu Gazteluko Legarreako leizearen historia lazgarria argitzeko. Aste honetan aurkitu dituzte lehen lau gorpuzkinak. Kasua foroan jarraitzen ari gara, animatu zuek ere ekarpenak egitera (informazio gehigarriak, iritziak…)

Jakinekoa denez, 1936ko kolpe militarraren ondorioz Nafarroan eraildako hainbat pertsona leizeetara bota ziren. Halere, kasu gehienetan arrazoiak politikoak izan ziren: Espainiako Errepublikaren aurkako matxinatuekin bat ez etortzea, alegia. Sagardia Goñi familiaren kasuan, berriz, ez zen holakorik izan: Gazteluko biztanle guztiek kolpe militarraren alde agertu ziren. Orain arte bildutako informazioarekin, ez da krimen izugarri hau azaltzen duen motibo arrazionalik aurkitu; hori dela eta, sineskerekin lotutako motiboak indartzen ari dira (katolikoak vs. paganoak).

Larrako mugimendua

0
ARSIP-eko bilera Aretan (Baretous)

Joan den asteburua mugitua izan da Larra inguruan. Udako kanpainako lanak; Anialarrako erreskatea; eta ARSIP bilera Aretan, 50. urteurren bikoitzarekin. Speleo mugimendu itzela! ADES-eko kide bat Aretara hurbildu zen, ikerketa historiko baten harira; hemen duzue haren kronika.

Karaitza 23 (2015)

0

Datozen egunetan Karaitza aldizkariaren 23garren zenbakia eskura izango dugu. Hemen duzue azalaren irudia eta editoriala, aurrerapen gisa.

EDITORIAL: Con gran ilusión y mucho esfuerzo os presentamos una nueva entregade la revista Karaitza. El año pasado os contábamos que editábamos la Karaitza nº 22 sin apoyo institucional por primera vez en muchos años. Nuestra estrategia demantener la edición contra viento y marea utilizando nuestros propiosfondos ha funcionado y nuevamente podemos lanzar un nuevo númerocon el apoyo del Dpto. de Medio Ambiente del Gobierno Vasco. Tanto paranuestra economía como para nuestra moral de trabajo ésta colaboración es muy importante, aunque sabemos que en cierta manera somos unos privilegiados. Entre las páginas de ésta edición podréis encontrar artículos que os llevarán, desde distintos ángulos, a poneros en contacto con el discurrir dela espeleología vasca. Desde la historia hasta la ciencia, desde la exploración hasta protección del frágil medio ambiente en el que se desarrolla nuestra apasionante actividad. Entre las páginas de ésta edición podréis encontrar artículos que os llevarán, desde distintos ángulos, a poneros en contacto con el discurrir dela espeleología vasca. Desde la historia hasta la ciencia, desde la explo-ración hasta protección del frágil medio ambiente en el que se desarrolla nuestra apasionante actividad.

  EDITORIALA:Ilusio eta esfortzu handiarekin, Karaitza aldizkariaren emanaldi be-rri bat aurkezten dizuegu.Iaz kontatu genizuen, 22. Karaitza sostengu instituzionalik gabe ar-gitaratu genuela, urte askoan lehenengoz. Edizioa kosta hala kosta man-tentzeko gure estrategiak, ─gure fondoak erabiliz─, funtzionatuegin du, eta berriz ere, ale berri bat argitara dezakegu Eusko Jaurla-ritzaren Ingurumen Sailaren babesarekin.Bai gure ekonomiarentzat,eta baita ere, gure kemenarentzat lankidetza hau oso garrantzitsua da,nahiz eta jakin, era batean pribilegiatuak garela.Edizio honen orrialdeen artean, euskal espeleologiaren nondik no-rakoak ezagutzera eramango zaituzten artikuluak aurki zenitzake-te. Hainbat ikuspuntu oinarri harturik: Historiatik hasi eta zientzia-raino; eta esploraziotik, ─gure jarduera txundigarria garatzen deningurumen hauskorraren─, babeseraino.

Autosorospen eta Bat-bateko tekniken Ikastaroa, Ispaster 2016-VII-2

0

EGUNERAKETA: hona partaideen zenbait kronika:

Hona gaur hartu ditugun bideo irudien zenbait fotograma.

Autosorospen eta Bat-bateko tekniken Ikastaroa, Ispaster 2016-VII-2

vlcsnap-2016-07-02-23h35m33s22 vlcsnap-2016-07-02-23h36m09s129 vlcsnap-2016-07-02-23h36m43s212 vlcsnap-2016-07-02-23h37m46s72 vlcsnap-2016-07-02-23h39m29s87 vlcsnap-2016-07-02-23h42m51s49 vlcsnap-2016-07-02-23h44m04s14 vlcsnap-2016-07-02-23h44m31s30 vlcsnap-2016-07-02-23h44m50s220 vlcsnap-2016-07-02-23h46m47s113 vlcsnap-2016-07-02-23h47m20s181 vlcsnap-2016-07-02-23h47m39s121 vlcsnap-2016-07-02-23h48m54s105 vlcsnap-2016-07-02-23h49m51s154 vlcsnap-2016-07-02-23h51m08s159 vlcsnap-2016-07-02-23h52m09s0 vlcsnap-2016-07-02-23h52m47s123 vlcsnap-2016-07-02-23h53m17s173 vlcsnap-2016-07-02-23h53m50s247

Larra 2016Campaña de verano Larra