Mendukilotik albistea heldu zaigu, Isaac laguna, maisua, euskal espeleologiaren erreferentzia handia hil dela. Bazen denboraldi bat erresidentzian bizi zela, osasun kaskarrarekin etxean ezin manejaturik. Bart arratsean lotara joan zitzaigun, eta gaur goizean horrela aurkitu dute: betirako lotan. Besarkada handi bat emazteari, eta bestelako senide eta lagunei. Nafarroako eta Euskal Herri osoko espeleologook haren garra mantenduko dugu! Isaacek lurpeko munduaren alde egindako guztia ez da ahanzturan eroriko.
1948an Iruñeako «Iturralde» Espeleologia Taldearen sortzaileetako bat izan zenetik, Isaacen ibilbide espeleologikoa luzea eta oparoa izan da. Sarawak taldeak eginiko bere biografia sintetiko honetan ederto ikus dezakezue.
«Pour parler d’autre chose, je crois que tu n’as pas encore eu l’occasion de vraiment apprécier Isaac Santesteban, mon meilleur copain spéléologique. (…)Il y a longtemps que je cherche dans ce bloc transparent une tache opaque, une lézarde. Rien! (Ma malice de byzantin corrompu en a eté pour ses frais…). Le tout est enrobé dans une calme imperturbable qui le transforme en un havre de paix.(…) c’est un excellent spéléologue: jugement serein, pas un atome de graisse, et des muscles en cordes à piano» (Felix Ruiz de Arkautek Corentin Queffelec-i bidalitako gutuna, 1964ko abenduaren 4a).
