2023ko urte honetan, Pirinioen mutur banatan ospakizunak izango dira, bi haitzuloren aurkikuntzaren urteurrenen kontura: bata Zuberoan (La Verna gela aurkitu zenetik 70 urte), eta bestea Lleidan (Montserrat Ubach leizea aurkitu zenetik 60 urte). Gainera, «Comissió per a la Protecció de l’avenc Montserrat Ubach» eta ARSIP erakundeek harpe hauek senidetzeko ekimena bultzatu dute, jarraian duzuen programaren bitartez.
- Argazki eta bideo lehiaketa.
- Bisita programatuak leizeari.
- Dokumental baten errodajea (Victor Ferrer).
- Eta maiatzaren 14ean:
- Txango geologikoa (Josep Mª Mata-Perelló)
- Ekitaldi nagusia (Solsonako Udala). Bertan ARSIPeko ordezkaritza batek parte hartuko du, eta «Nit de Sarawak» hitzaldi baten bidez Felix Ruiz de Arkaute oroituko dute.
Ospakizun programa zehatza oraindik argitara gabea bada ere, badakigu ekitaldi nagusia abuztuaren 13an izango dela, eta bertan egingo direla:
- Lepineux leizearen jeitsiera.
- La Vernara bisita.
- Ekitaldi nagusia Urdatx / Santa Grazin.
Ekitaldi guztietan «Comissió per a la Protecció de l’avenc Montserrat Ubach» taldearen ordezkaritza batek parte hartuko du.
Haitzulo bien arteko lotura honekin, Pirinio osoko espeleologoon arteko senidetasuna indartu dadila!
